| 我真正感受到接近死亡的感覺，那一刻，只想著所有重要的人。 除此，並沒有甚麼可以做了… |
| |
| 這幾天，仿佛所有的積極樂觀也消失於天地間；剩下的，就只有若有所失及遙遠無期的心酸感覺。 |
| |
| 總是如此，再一次泛起這感覺。 喜歡而喜歡，非擁有而喜歡。 老模樣，改不了… |
| |
| 跑步有乜野裝備？等我話你知啦… 首先，要有一對跑鞋，pat袋一個；時間咁重要，當然唔可以無手錶啦！仲有電話同身份証，有乜三長兩兩短，都知你乜水，又或者重傷時，都可以電話求救嘛！除左以上兩樣，當然仲有每個人必需補充既水分，同埋滿載 Eason s' 歌既 i pod 啦。 以為咁樣就事事俱備，萬無一失？咁就錯曬啦！意外既野，有邊個會估到？ 話說今日有個小朋友跑入去大清，就係因為呢幾日發假發到傻左，所以唸住挑戰下自己，由樂華跑入去清水灣，沿路其實都有跑下停下，仲好想折返，但佢都好想堅持落去，點知呢，跑到去監獄附近，因為去到堀頭路，要過對面馬路，但由於過對面馬路係要跨過一系列既防撞欄，就係呢個時，小朋友左邊大脾被充滿氧化物的螺絲狠狠地碰到，就係呢一碰，整個表皮被撞到皮開肉碇。呢一刻佢可以做既，除左係咁望住佢流血外，就係安全地留心交通情況，去個安全地方截的士去治療傷口。 最後，佢除左等左兩個幾鐘外，最賺既可能係打左支有十年預防能力既破傷風針與及被一個叫做同無線劇集<原來愛上賊>女角相同名字叫蓉蓉的醫師清潔那不停流血的傷口。 其實，受傷是一種警號，它告訴你會痛、會流血、會令你驚慌，甚至是死亡。受傷也是現象，因傷口復完的疤痕，會使你記起傷痛的原因，使你堅強，使你避免受相同的傷。 受傷是沒有分年齡、體格、思想的，這些都是上天給人們的意料之外；人的渺小，有時候並非每個人都體會到，但如果可以的，危險的則可免則免。學乖了，就可以令自己更健康健全。 生命是何等脆弱，所以務的要珍惜～～ 知道嘛？小朋友～～ |
| |